طول رحيلك وانا الليلة قضى صبري
طول رحيلك وانا الليلة قضـى صبـري
مليت من غربتـي واشتقـت لبـلادي
ليلة غيابـك رجيـت الليـل لايسـري
البارحه لونهـا فـي ناظـري سـادي
تعبت اجر الخطـأ لمصافحـة فجـري
مريت فوق السهل والحـزم والـوادي
حبيبي العمـر دونـك ماهـو بعمـري
وقت نفيت الـدروب ومرنـي غـادي
انت اول العشق وارضي لاضمت نهري
فتحت باب الضلوع على عشك الهـادي
جيت اسبق الريح وانثر فوقها عـذري
امشي واردي غلاكـي بوجهتـي زادي
منين هذا طريقـي.. ذاك ..لا مـادري
كني سمعتك وانا في غمرتـي تنـادي
حبيبي ان قلت احبك ايه مـن صغـري
فتحـت عينـي عليـك وجيـت ورادي
شف امس وش كبرنا واليوم وش كبري
مراحل العمر خيمـة والغـلا اوتـادي
البارحة عن لك جرح سكـن صـدري
وجبت الوله لي مطية والردى شـدادي
كان الفراق اخر دروبك علـى قبـري
صليت لـك مغفـره والارض سجـادي
الشاعر / سعـــد الجريــان ،،
الرئيسية 
التسجيل 
دخول 
موضوع: طول رحيلك وانا الليلة قضى صبري 
2008-06-10, 14:59
